المدير مدير المنتدى
عدد المساهمات : 70 تاريخ التسجيل : 16/05/2009 العمر : 53 الموقع : مصر
| موضوع: عودك أحلى بقلم الدكتور رؤوف السبت 23 أبريل 2011 - 12:09 | |
| عودك أحلى صباح يا عنيه .... ورد و حب و شمس عفيه
بس بلاش التئل عليه ... خلي الحب يقطع فيه
ضحكة ألبك زي ما هيه ... شوق و محبه وكوم حنيه
ولا عيونك في الصبحيه ... بحر و موجه و سحر صبيه
مين في الدنيا يحبك أدي ... دنتي لألبي حمام الغيه
أفرح بيكي و أدلع فيكي ... و ألبي و عقلي فداك يا عنيه
.................... *********** .....................
شوفي يا ألبي حؤلك كلمه ... راح العمر في بحر أسيه
إللي أساني إستفرد بيه ... أصل الأسوه دماغها غبيه
خيبه و نيبه و شايله العيبه ... وكل الدنيا تعاتب فيه
قلنا خلاص أهي غلطه وتوبه ... أرجع تاني للمرازيه
خبطه و جت في الراس يا معلم ... قلنا غبيه و إيدها أويه
ولا لسانها يا حسرة عيني ... أد دراع البنت زكيه
مين يستجري يفتح عينه ... ولا يفكر بس شويه
إنسى يا ألبي و سيبها لربك .... حهرب قبل ما تغدر بيه
.................. ************* ...................
من كام يوم و نا جاي من بنها ..... شوفت عيون كلها حنيه
شغلت حالي و سرئت ألبي ..... وتهت و تاهت في الملاغيه
صوتها يخلي القلب يطفطف ... خفت تؤلي إستنى عليه
جت و قالتلي .. مين الباشا ؟ .... قلت يا لهوي .. إستني شويه
قلت ..الحلوه اسكندرانيه .......... قالت .. إنت من المنشيه
قلت فشر ... دنا م السياله ... قالت مرحبتين يا عنيه ..
ونا ؟ عايشه في شقه في برج ستانلي ... تلزم خدمه ؟
....................... قلت المزه ميه الميه ................
ممكن تمشي معايه شويه ... قالت دادي معاه عربيه
صوتها حلاوه و زي المانجه ... عودها ملفلف بالحنيه
قلت أستنى عليها شويه ... ضربت لخمه و حنت ليه
منا في الحب ألسطه و مجدع ... خت شهاده من المنشيه
في الملاغيه و المداديه ... والتنطيط مع كل صبيه
ونا مرتاح لوجودي معاكي ... زي السمكه في قلب الميه
لو سبتيني حفارق روحي ... خليكي جنبي و إوعي تروحي
قالت حظك .. حتوصلني .... دادي مجرش العربيه
أحلى كلام قلناه في السكه .... رحنا ستانلي من العامريه | |
|